رواية أنت لي و أنا لك

ملاحظة : الرجاء عدم سرقة الرواية.
                                                                 يلا نبدأ

                                                                     *
                                                                     *
                                                                     *
بعرفكم على عايلة ريم.... ريم عمرها 19 سنة طالبة جامعية كيوت والكل يحبها حنطية وجميلة أما أم ريم (منيرة) انسانه جدا متواضعة واتحب ريم وايد كانت تشتغل في المرسة بس الحين استقالت وقعدة اتجابل عيالها و أبو ريم (عبدالله) انسان متفاهم مايحب يصارخ وايد لكن قلبه حيييل حنون على بنته وأبوها يشتغل في فالبنك.. أخوانها محمد و راشد و إبراهيم طبعا محمد عمره 27 شاب وسيم ورياضي ومعضل أما راشد عمره 24 وسيم بعد وكتوم أما إبراهيم عمره 29 اكبر واحد فالبيت واخيييرا اختها منال عمرها 15 سنة جميلة وكيوت واتكون اصغر من ريم اختها
عايلة سالم .... سالم عمره 21 سنة بعد هو طالب جامعي مثل ريم وسيم وطويل بس شوية عصبي ويقرب حق ريم بنت عمه بس طبعا هو وحيد امه وأبوه. أم سالم (خديجة) اتحب ولدها سالم وايد لدرجه ماتحب اتشوفه زعلان أما أبو سالم (ناصر) يشتغل مع أخوه عبدالله بنفس البنك طيب وقلبه ابيض أما أخت سالم (حصة) عمرها 13 سنة. كيوت وحبوبة.

في بيت أم ريم
*
*
ريم : ماما ماما
أم ريم : هلا ريم امري يابنتي
ريم : وين أبوي؟
أم ريم : أبوج راح الدوام
ريم : أوكي عيل أنا بسير الجامعة
أم ريم : قعدي اتريقي عقب روحي
ريم : ما أقدر ماما متأخره بتريق فالجامعة
أم ريم : أنزين حفظج الله يابنتي أنتبهي على روحج
ريم : انشاءالله .. باي
أم ريم : باي


بعدين راح اكمل انشاءالله  

رجعنا مره ثانية يلا بكمل
*
*
*في بيت أم سالم*
أم سالم: ناصر يلا قوم مابتروح دوامك ؟
أبو سالم : لا ياخديجة تعبان وايد اليوم
أم سالم : على راحتك
راحت أم سالم اتقعد بنتها حصة عالمدرسة
أم سالم :طق طق ... حصة قومي وراج مدرسة
حصة: يالله ابي انام
أم سالم: قومي يالدعلة بيحطونج غياب
حصة: زين ماما يلا بقوم
*في جامعة ريم*
ريم: هلا بنات شخباركم
البنات: بخير حمدالله من صوبج
ريم: مريوم تعالي نطلع نتمشى
مريم : يلا اوكي
طبعا مريم اقرب صديقة المقربة لريم وتحبها وايد وتثق فيها واتقولها كل شي
مريم : أقولج ريم شرايج نلتقى دام نحن في نهاية الويكند
ريم: فكرة حلوه ليش لا
مريم : خلاص نلتقي يوم الجمعة
ريم : تم
*في جامعة سالم*
طبعا سالم مثل ماقتلكم شاب وسيم وحده جميييل يعني كل البنات خاقين عليه
أحمد: سلوم وينك ياخي انا والشباب اندور عليك
سالم: ماشي توني ييت
أحمد: أنزين شرايك اليوم بعد الجامعة انسير بحر البطين
سالم: هههههه اكيد لان مافي غيره انروح له
دق تليفون ريم الا بنت عمها حصة داقة
ريم : ألو
حصة: هلا هلا هلا بنت عمي ريموه
ريم : هلا فيج حصوه
حصة: شحالج يالغلا
ريم : تمام حبيبتي .. أنتي شحالج
حصة: بخير حمدالله
ريم: دوم
حصة: أقولج ريموه
ريم: هلا
حصة: ياخي أبا اروح بحر البطين اليوم شرايج انسير انا وانتي
ريم: أوكي بس لازم اخبر امي اول
حصة: أوكي يلا انا بخليج احينه
ريم : اوكي باي
حصة: باي
* في بيت أم ريم*
أبو ريم: شفيج يا منيرة شو تفكرين
أم ريم : مافيني شي يا عبدالله اتريا بنتك ريم ومنال عالغدا
أبو ريم : أوكي
على طاري منال اخت ريم ماشاءالله عليها بنت ذكية واتحب اختها ريم وايد
ريم وصلت البيت وبنفس الوقت منال وصلت بعد
ريم ومنال: السلام عليكم
أم ريم و أبو ريم: عليكم السلام
أم ريم : يلا بدلو عشان تتغدون
عالغدا كلهم ياكلون وهم ساكتين وبعد الغدا ريم طلبت من ابوها فلوس
ريم : بابا
أبو ريم : هلا بنتي أمري
ريم : بابا أبا فلوس أبا اطلع لان
أم ريم : وين رايحة
ريم : ماما بروح مع بنت عمي حصة بحر البطين وباخذ منول أختي وياي و حصة حبت أني اكون معاها وبعد باخذ فلوس اذا بغيت شي
أم ريم أبو ريم : روحي بس انتبهي على روحج
ريم: اوكي
الساعة سبع المغرب وصل سالم وربعه في بحر البطين
سالم : أحمد شوف الجو والله أن طررر (طر معناته حلو)
أحمد: هيه والله صج أن جو بونفرين
سالم : ههههههه بونفرين هيه بس وين نفر الثاني
أحمد : هههه بيي النفر الثاني الله يرزقك
سالم : ههه امين
* في غرفة ريم *
طبعا ريم طالعة جميلة وحلوه وايد كانت لابسة بنطلون أبيض وقميص أزرق وعليه كلام بلون أبيض ولبست جوتي رصاصي وحطت ميكب خفيف وطالعه صج طر.
منال: وااااااااااو ريموه صج طالعه حلوه
ريم: حبيبتي منول عيونج الحلوه أنتي بعد طالعه جميله
منال : أحم أحم طبعا جميلة
ريم : ههههههههه يلا قومي خلينا انروح لا نتأخر
واتصلت حصة على ريم
حصة: ريموووووووه
ريم : ها حصة شفيج
حصة: وينج ياخي يلا
ريم : يلا كاني نازلة
ونزلت ريم عالدري وحصة شافتها وانبهرت بجمال ريم
حصة: ريموووه صج طالعه حلوه
ريم: عيونج الحلوه ياقلبي
حصة: شخبارج منول
منال: بخير وانتي
حصة : حمدالله ... يلا نروح
منال وريم : يلا
منال وريم راحو ركبوا السياره والسايق هو الي يوصلهم وريم سيارتها خربانه لان ماتقدر تمشي فيها
بعد ساعه تقريبا وصلوا ريم وحصة ومنال بحر البطين
*****
تتوقعون شو راح يصير هناك فالبطين بترك تعليقاتكم

اتوقع ان سالم و ريم بيشوفون بعض

وصلوا البنات البحر ونزلو وشاف سالم أخته حصة مع البنتين وراح صوب البنات يسحب حصة منهم
سالم: حصوه انتي شو تسوين هني؟ ومنو هييل الي وياجلم
حصة: شفيك ترا طالعين نغير جو
سالم: زين ومنو الي وياج؟
حصة: أفااااا ياخوي ماعرفتهم؟
سالم: لا منو
حصة: بنات عمك ريم و منال
سالم: من صجج حصوه هذول بنات عمي
حصة: هيه بنات عمك يا سلوم
سالم: أنزين اقولج منو الي لابسة بنطلون أبيض؟
حصة: هذي ريم
سالم: رييييم ماشاءالله عليها متغيره كبرت والله
حصة: هيه
طبعا سالم من شاف ريم انبهر من جمالها ماعرفها لان كبرت وتغيرت وصارلهم مدة مب شايفين بعض بس يوم كانوا صغار
حصة: أحم أحم أنا هني
سالم: درينا انج هيني هههه يلا لاتتأخرين عالبيت
حصة: أوكي
سالم سار عند ربعه ويفكر في ريم الي اول ماشافها خذت كل عقله وتفكيره
أحمد: سالم
سالم:.......
أحمد: سااااااااااااااااااالم
سالم: هااااا شفيك اتصارخ
أحمد: صارلي ساعة يالس أناديك شفيك سرحان
سالم: ياخي شفت بنات عمي ريم ومنال
أحمد: أنزين شو المشكلة
سالم: من شفت ريم خذت عقلي ياخي أنا أعرفها يوم كنا صغار بس يوم كبرت تغيرت
أحمد: أخطبها أنزين
سالم: بخطبها بس بوقت مناسب أبيها تعرف مشاعري تجاهها
أحمد: الله يهنيك ياخوي
سالم: وياك إنشاء الله
طبعا الشباب أخذت السوالف وياهم لكن شو صار مع البنات
ريم: حصوه منو هاي الي ياج؟
حصة: هذا أخوي سالم ولد عمج يا ريم
ريم: ها صج
حصة: هيه
طبعا ريم سرحت في سالم ونفس الحالة ماعرفته إلا يوم كانوا صغار
حصة: ريم
ريم:...........
حصة: ريمووووووووه
ريم: هاااااااا شو بلاج
حصة: شفيج سرحتي؟
ريم: ها لامافي شي يلا خلينا نمشي
حصة: يلا أوكي
طبعا منال اخت ريم ساكته طول الطريج لانها تلعب بالتليفون
*عند سالم وربعه*
أحمد: سلوم أقولك أنا تعبان حدي أبا ارجع البيت
سالم: أوكي يلا حتى أنا برجع البيت
خالد:وين بتسيرون توا الناس
سالم: وقت ثاني انشاء الله صج حيييل تعبان أنا
خالد: يلا عيل حفظكم الله
سالم وأحمد : باي
خالد: باي
البنات كل وحده فيهم راجعة عالبيت طبعا حصة وصلت بنات عمها وعقب ساعة تقريبا وصلوا ريم ومنال البيت
دخلوا ريم ومنال: السلام عليكم
الكل: عليكم السلام
محمد: ها وين كنتوا؟
ريم: ماشي سرنا بحر البطين ويا بنت عمي حصة
محمد: أها زين
إبراهيم: ها رشود كيف الدراسة وياك
راشد: حمدالله كل تمام
إبراهيم: حمدالله
ريم راحت الغرفة وفرت عمرها عالشبرية ( يعني سرير) وتمت اتفكر في الي صار اليوم ماتوقعت ان هذاك سالم وطبعا من كثر التعب إلي فيها غفت عينها ونامت
* في يوم يديد*
قعدت ريم من النوم وهي كلها حيوية و نشاط وحدها مستانسة وكان الويكند
راحت ريم اتصلي الظهر وبعدها تتجهز حق الطلعة مع صديقتها مريم لان كانوا مقررين يطلعون عالويكند وتليفون ريم يرن بأغنية آخر حبة
ريم ألو
مريم: هلا بأحلى صديقه فالدنيا
ريم: هلا بمريوووم الغالية
مريم: علومج
ريم: بخير حمدالله ...وأنتي
مريم: بخير يسرج الحال...ريموه خلصتي جاهزة أنتي
ريم: هيه يلا شوي وبنزل
مريم: يلا اترياج
طبعا ريم ماشاءالله عليها ذووووق فاللبس وهي لبست تنورة طويلة لونها عنابي وقميص ذهبي وكعب صغير وحطت ميكب خفيف ولبست عبايتها وشليتها وصج طالعة جميلة واربيعتها مريم تترياها فالسياره وبعد دقيقتين نزلت ريم وشفاتها أمها
أم ريم: ها ريم على وين
ريم: طالعة ويا مريم ماما
أم ريم: زين حبيبتي انتبهي على روحج
ريم: انشاءالله يا أحلى أم فالدنيا
طلعت ريم وركبت السيارة بورش أسود ومريم شافت ريم بجمالها ماشاءالله عليها
مريم: ماشاءالله عليج ريموه طالعة أنيقة وجميلة
ريم: حبيبتي مريوم أنتي بعد طالعة جميلة اليوم
طبعا حركت مريم لياس مول طالعين يستانسون ويغيرون جو ويتغدون
*في بيت أم سالم *
سالم قعد متأخر بس كان مستانس بشوفت ريم وراح اتصل على ربعه أحمد وخالد و زايد ققروا يطلعون ويسيرون ياس مول طبعا سالم مايدري أن ريم هناك
*فالسيارة*
ريم غفت عينها شوي لين ماوصلو المول ورات مريم اتقعدها
مريم: ريم
ريم: ها مريم
مريم: يلا حبيبتي قومي وصلنا
ريم: أوكي دقيقة أعدل مكياجي
مريم أوكي
ريم عدلت مكياجها ونزلت ويا مريم
*عند سالم وربعه*
سالم: ها شباب شو بنسوي اليوم فالمول
أحمد: بنتغدى
خالد: بنروح السينما
زايد: بنرقد فالمول ..أتمصخر اتمصخر هههههه
الكل: هههههههههههه
وصلوا الشباب المول ونزلوا طبعا سالم كان صج جميييل ووسيم وماشاءالله عليه طول .
ريم استانست فالطلعة ومن كثر التعب قعدوا في مكان عشان يتغدون وفي هالمطعم سالم وربعه وفجأة سالم شافها وهي شافته. شو كانوا يقولون بين نفسهم؟
سالم: اااااخ شوفتج يا ريم رد لي روحي ياروحي أنتي
ريم: ماتدري شكثر كنت أفكر فيك
سالم: أحبج أحبج ريموه بسوي اي شي عشان اخطبج
فجأة ربعه يزقرونه
الكل: ساااااااالم
سالم: شفيكم خرعتوني
أحمد: سرحان أشوفك
سالم: احبها ياخي أحبها
الكل: أتحب منو؟
سالم: أحب ريم بنت عمي
الكل وهم يضحكون: ايوا عسب جي تفكيرك رايح كله وياها
سالم: بسكم لاتكثرون حجي هههه يلا بنمشي
بعد ماتغدوا وتمشوا وخلصوا طلعوا من المول أما ريم وصديقتها بعدهم موجودين
مريم: ريموه شفيج وين رحتي
ريم: معاج حبيبتي
مريم: لا انتي ابدا مب معاي أنتي في عالم ثاني قوليلي شفيج
ريم بإبتسامة: شفت ولد عمي سالم هني بالصدفة
مريم: هيه وبعدين
ريم: شافني
مريم: أونه
ريم: هيه والله
مريم : شو صار عقب
ريم: أحبه يا مريوم أحبه
مريم :انشاءالله تتزوجون
ريم: أنشاءالله
مريم: يلا خلصي عشان نمشي
ريم: أوكي
سالم وربعه بعد ماخلصوا من المول راحو يتمشون شوي عالبحر عشان نفسيتهم ولان عشان الجو حلو بس صج كان الجو طررر وسالم حده كان يفكر فيها وبعد ساعتين رجع سالم البيت ودخل على أهله
سالم: السلام عليكم
الكل: عليكم السلام
أم سالم: ها يا ولدي وين رحت
سالم: سرت عند الربع شوي انغير جو
أم سالم: ايوا
سالم شاف حصة قاعده وياهم قعد يخزها بعينه عشان اتقوم واتسير الغرفة
حصة: يلا عيل اخليكم بروح أنام
أبو سالم: لاتنسين تاخذين مصروفج حق المدرسة
حصة: أنشاءالله بابا يلا تصبحون على خير
أم سالم و أبو سالم : و انتي من اهله
سالم: يلا عيل أنا بعد بروح انام تصبحون على خير
أم سالم و أبو سالم: وانت من اهله
بعدين راحت حصة غرفت أخوها وتعرفت شو يبي منها ليش خزها
سالم: تعالي حصوه
حصة: ها شفيك كنت أتخزني
سالم: أبا أقولج شي حصوه
حصة: قول
سالم: بس توعديني يبقى بيني وبينج؟
حصة: أكيد ياخوي بيني وبينك وسرك كبير
سالم: أنزين أنا ابي اصارحج في شي
حصة وهي خايفة: شفيك سالم تكلم
سالم: أنا
حصة: أنت شو
سالم: أنا احب ريم ياحصة وناوي اخطبها
حصة وهي مستانسة: صج يا خوي مبرووووك يا زيين ماخترت ماراح تلقى مثل ريم بنت عمك
سالم: أحبها يا حصوه عشقتها
حصة: بس يا سالم لازم تثقل شوي عالبنت
سالم: شو أسوي أحبها بس أبي أطلب منج طلب
حصة: قول
سالم: أبي أكلمها
حصة:مينون أنت
سالم: يلا حصوه أنا اخوج الوحيد
حصة: زين شسوي أخوي الوحيد مارك طلب
سالم: فديييت اختي أنا
حصة وهي تضحك: حق هالسوالف بس
سالم: هههههه يلا عاد
حصة:هههههه زين زين أنا بروح أرقد
سالم: أوكي تصبحين على خير
حصة: وأنت من أهله
*
*
تتوقعون عقب شو راح يصير بين ريم سالم يلا أبا تفاعلكم للرواية

*في صباح يوم يديد *
حصة كلمت ريم عشان اتروح بيتهم تتغدا عشان اتضبط اخوها
رن تليفون ريم بأغنية آخر حبه ( قطر ياعسل وبل ريجي بله حلا هالشفة دوخني حييل)
ريم: الو هلا حصة
حصة: شحالج ياقمر
ريم: بخير فديتج
حصة: دوم ياقلبي
ريم: فيج شي حصوه
حصة: لا مافيني شي بس كنت بقولج أن امي تباج تتغدين عندنا
ريم: انشاءالله بس ابلغ أمي واييكم
حصة: تمام ريموووه
طبعا هني بيصير الي راح يصير الي كان يباه سالم بس أكيد مستانس بيشوف بنت عمه ريم
ريم: ماما ماما ماما
أم ريم: تعالي أنا هني
ريم: ماما اليوم حصة اتصلت واتقول أن مرت عمي تباني اسير اتغدى عندهم
أم ريم: زين حبيبتي روحي
ريم طبعا راحت غرفتها عشان تتجهز وتطلع وكانت لابسة تنورة عليه كسرات لونها أخضر وقميص حريري طويل لونه أبيض وحطت ميكب وطلعت صج حلوه بعد تقريبا نص ساعة وصلت ريم عند بيت عمها
ريم: السلام عليكم
أبو سالم: عليكم السلام يا بنتي
ريم: شحالك عمي
أبو سالم: حمدالله يا بنتي أنتي شحالج
ريم: بخير حمدالله
أبو سالم: حياج ريم دخلي
ريم: مشكور عمي
أم سالم: هلاهلا بريحة هلي هلا بنتي ريم شحالج حبيبتي
ريم: هلا مرت عمي أنتي شحالج وحشتيني
أم سالم: أنتي أكثر حبيبتي حياج شوي وبنزهب الغدا
ريم: هيه ماشاءالله طباخج مايطوف
أم سالم: هههههه حبيبة قلبي
طبعا ريم بعد ماسلمت راحت غرفة حصة
ريم: طق طق
حصة: اتفضل
ريم: هلا حصوه
حصة: هلا ريموه شحالج
ريم: بخير حمدالله
حصة: تعالي يلسي لين مايحطون الغدا
ريم: أوكي
حصة: أقولج ريم أنا عطشت بسير أشرب ماي
ريم: أوكي لاتتاخرين
حصة: ههههه حسستيني يعني
ريم: هههههه يلا روحي
حصة: أوكي
بعد دقيقتين سالم ياه غرفة حصة عشان يكلم ريم
سالم: طق طق
ريم: ويي بسم الله
سالم: آسف إذا خرعتج
ريم: لاعادي مب مشكلة
سالم: شحالج ريم
ريم: بخير حمدالله أنت شحالك سالم
سالم: بخير يسرج الحال من صوبج
ريم: دوم يارب
سالم: ريم
ريم: هلا آمر
سالم : مايامر عليج العدو .. ريم الصراحة في ورقة أبا اعطيج ياه واتمنى أنج تقرينه
ريم: شو هالورقة؟
سالم: أنا بعطيج وراح تعرفين شوفي هالورقة
ريم: أوكي
سالم عطى ريم الورقة وفجأه حصة يت
حصة: أحم أحم أنا هني
سالم: درينا أنج هني يالدعله
ريم:ههههههههه
سالم في داخله يقول فديت ضحكتج ريموه
حصة: يلا أنزل شتسوي تكلم ريم
سالم: اسلم عليها فيها شي
حصة: هههههه لا
سالم: يلا عيل فارجي
حصة: أوكي
سالم وهو يطالع في ريم وريم أتطالع في سالم
بعد ربع ساعة حصة وريم نزلو يتغدون
أم سالم: ها ريم حبيبتي كيف الدراسة وياج
ريم: حمدالله
أم سالم: شو تخصصج ريم؟
ريم: أدرس إعلام
أم سالم: ماشاءالله عليج الله يوفقج
أبو سالم: والله من زمان عنج يابنتي
ريم: شنسوي بعد ياعمي أنشغل بالدراسة
أبو سالم: الله يوفقج حبيبتي وانشوفج عروس انشاءالله
هني ريم حست أن ودها الارض تنشق وتبلعها من سمعت كلمة انشوفج عروس
ريم: انشاءالله عمي
بعد ماتغدوا ريم قاممت وغسلت ايدها وقعدت شوي عقب تقريبا نص ساعه رجعت بيتهم
*في بيت أم ريم*
ريم: ماما أنا ييت
أم ريم: ها بنتي حمدالله عالسلامه
ريم: الله يسلمج ...ماما أنا بروح غرفتي اريح شوي وبنام
أم سالم: أوكي
*في بيت أبو سالم*
سالم: أبويه أبويه
أبو سالم: نعم يا ولدي
سالم: أبوي أباك في موضوع
أبو سالم: آمر يا ولدي شو الموضوع
سالم: الصراحة يابوي مادري شو اقولك
أبو سالم : قول ياولدي لاتستحي
سالم: الصراحة أبا أخطب ريم بنت عمي
أبو سالم: هذي الساعة المباركة ياولدي يازيين ماخترت ماراح تلقى بنت أحسن من ريم كفو عليك ياولدي أنا بخبر أمك أتكلم أم ريم
سالم: صج يابوي
أبو سالم: هيه صج بس ها اثقل شوي
سالم: مشكور يابوي عساك ذخر لنا
طبعا سالم طار من الفرحة أن بيخطب ريم بنت عمه وحب أبوه على راسه
*فالليل الساعة 8 العشاء*
رن تليفون بيت أم ريم
أم ريم : ألو
أم سالم: هلا منيرة هلا بالغالية
أم ريم: هلابج يا خديجة شحالج خيتي
أم سالم: تمام حمدالله
أم ريم: دوم
أم سالم: أقولج منيرة في موضوع بقولج ياه
أم ريم: هلا خديجة آمري
أم سالم: مايامر عليج العدو.. الصراحة نحن ياخيتي يايين نطلب ايد بنتج ريم حق ولدي سالم
أم ريم: صج هذي الساعة المباركة وسالم مثل ولدي ماراح نلقى أحسن منه
أم سالم: ونحن أكيد نبي راي بنتج ريم
أم ريم: انشاءالله أنا راح أكلمها
أم سالم: عيل اخليج حبيبتي وبينا عقب
أم ريم: حفظج الله
طبعا أم ريم مستانسة حدها أن بتشوف بنتها عروس وراحت عندها لين الغرفة
أم ريم: طق طق
ريم: اتفضل
أم ريم: هلا ريم حبيبتي
ريم: هلا امي فيج شي
أم ريم : لاحبيبتي بس أبيج في موضوع
ريم: آمريني ماما شوفي
أم ريم: مرت عمج خديجة
ريم: شفيها ماما
أم ريم: اتصلت فيني اليوم واتقولي تبا تطلب ايدج حق ولدها سالم
ريم وهي مستانسة: صج ماما
أم ريم: هيه حبيبتي... بس قالولي أنتي موافقة يابنتي
ريم:.......
أم ريم: معناته السكوت علامة الرضى يعني موافقه
ريم وهي مستحية: هيه ماما
أم ريم : بارك الله فيج يابنتي
وراحت أم ريم وخلت ريم روحها وكانت ريم حدها مستناسة أنها بتتزوج سالم
*
*
هني كفاية يلا تفاعلكم يا حلوين لهذا البارت

ريم تذكرت أن سالم عطاها ورقة تقراه وراحت ريم تركض صوب الدولاب عشان اطلع الورقة إلي كتبها لها سالم وكان مكتوب عليه
( إلى ريم حبيبتي... شفت كوب القهوه وش كثر شي تافه وبسيط أنا لا من قرب من شفاهك يجن جنوني واغير.. والله ياريم إني أحبج وطول اليوم أفكر فيج.)
ريم من شافت رسالته تمت مستحية من كلامه بس كانت صج مستانسة وفجأة أخوها إبراهيم دق الباب
إبراهيم: طق طق
ريم: أتفضل
إبراهيم: ها ريموه شو تسوين؟
ريم: ماشي ياخوي قاعدة ادرس
إبراهيم: الله يوفقج حبيبتي.. صح أقولج أمي أتقول أن مرت عمي أتصلت عشان يخطبونج حق سالم
ريم وهي مستحية: هيه
إبراهيم: وبعد تستحين ههههه
ريم: يلا عاد إبراهيم هههه
إبراهيم: الله يهنيج حبيبتي ويوفقج وياه
ريم: مشكور اخوي الغالي
*في بيت أم سالم*
أم سالم راحت اتنادي ولدها عشان موضوع خطوبته من ريم
أم سالم: سالم... سالم... سالم
سالم: هلا أمي
أم سالم: تعال ياحبيبي أبيك بموضوع
سالم: انشاءالله دقايق أنزل
أم سالم : أترياك
بعد خمس دقايق نزل سالم عند أمه
أم سالم : تعال ياولدي أقعد
سالم: وهذي قعده آمري أمي في شي ؟
أم سالم: لا حبيبي مافي شي بس كنت بقولك أتصلت بمرت عمك منيرة
سالم نقز: صج يمه
أم سالم: هيه يمه صج بس نتريا رد مرت عمك بس ها اثقل ياولدي هههه
سالم: هههه انشاءالله
بعد ساعتين أتصلت أم ريم لأم سالم
أم سالم: ألو منيرة
أم ريم: هلا بالغالية
أم سالم: هلابج حبيبتي
أم ريم: خديجة تراني كلمت ريم عن الموضوع
أم سالم: ها بشري شقالت
أم ريم: هي موافقة
أم سالم: يعني أنقول مبروووووك
أم ريم : الله يبارك بحياتج عقبال حصة بنيتج
أم سالم: هههههه بعدها صغيره بس انشاءالله أفرح فيها بعد أخوها
أم ريم: انشاءالله ... يلا عيل أخليج يالغالية
أم سالم: حفظج الله
أم ريم: مع السلامة
طبعا الحين الكل مستانس بخطوبة ريم وسالم ...وبعد شهر تقريبا
ريم: ألو
سالم: هلا هلا ب هالصوت
ريم وهي مستحية: هلافيك
سالم: شحالج حبيبتي
ريم: بخير حمدالله وأنت شحالك
سالم: أنا بخير حبيبتي ..اتصدقين ريموه اشتقتلج شرايج نطلع اليوم
ريم: أوكي بس وين
سالم:  مفاجأة ماراح أقول
ريم وهي مستحية: أوكي حبيبي
سالم: ها شوقلتي عيدي مرة ثانية
ريم: قلت أوكي
سالم: لاقلتي شي بعد أوكي
ريم: حبيبي
سالم: ياعيون حبيبج يا حبيبتي أنتي
ريم: يلا عاد سالم ههه
سالم: فديت ضحكتج ياعمري
ريم: فداك الكون
سالم: يلا حبيبتي بخليج الحين عقب نتواصل وبتصل فيج عشان نطلع
ريم: أوكي ... باي
سالم: باي حبيبتي
بعد ماسكر الفون سالم راح عند ربعه مثل كل عاده
سالم: هلا شباب وينكم من زمان عنكم
أحمد: من زمان عنا ها أنت الي مختفي
سالم: شنسوي بعد مشغول ويا حبيبتي وخطيبتي
خالد: خف علينا ههههه
سالم: عاد كله ولا زعل حبيبتي ما ارضى عليها
أحمد:هههه زين
سالم: عيل وين زايد؟
أحمد: مسكين مريض
سالم: مايشوف شر عفب بنزوره
أحمد: أكيد
خالد: أقولكم
سالم و أحمد: قول
خالد: شرايكم أنسير السينما؟
سالم و أحمد: أوكي
بعد ساعة راحو الشباب السينما واخذو معاهم بوب كورن وبيبسي
سالم: الصراحة الفلم خطيييير
أحمد: هيه والله
خالد: هيه أكيد حلو من اختياري هههه
سالم و أحمد: ههههههه
سالم: أنا الصراحة شبعان بعد كل هالاكل
أحمد: هيه حتى أنا
خالد: وانا بعد
سالم: خلاص عيل خلونا نحرك بنسير البطين شرايكم؟
خالد و أحمد: أوكي
بعد نص ساعة وصلوا الشباب البطين و كانوا قاعدين بالسيارة وكان سالم مشغل اغنية تدرين
( تدرين ولا ماتدرين.... تدرين أن الجمال أنتي منبعة وأن القصيد حسنك أنتي فلاااا أغار لو اشوف الناس تمدحك سنة) وطبعا سالم كان سرحان بالاغنية وتذكر ريم والشباب يزقرونه
الشباب: سالم.... ساااااااااااااااااالم
سالم: شفيكم خرعتوني
أحمد: سرحان في شو
سالم: سرحان فيها
خالد: لهدرجة أنت أتحبها
سالم: وأكثر ماتتخيل
خالد و أحمد: الله يهنيكم
بعد ساعتين صار الساعة السبع وتذكر سالم أن هالوقت لازم يمر على ريم وياخذها للمكان الرومنسي واتصل فيها
سالم: ألو حبيبتي
ريم: هلا حبيبي
سالم: حبيبتي تجهزي بعد ساعة أمرج
ريم: إنشاءالله
بعد ساعة وصل سالم لبيت أم ريم ودق الباب
سالم: طق طق
منال: هلا بريل أختي
سالم: هلا منول وين أختج
منال: أختي تتجهز شوي وبتنزل ادخل ليش واقف
سالم: لاعادي بترياها أنا
منال: على راحتك
ماقتلكم ريم شو لبست .. ريم لبست فستان أحمر طويل وكعب أبيض وحطت ميكب وطالعة قمر ونزلت ريم عالدري وشفاها سالم وأنبهر فيها وبجمالها
سالم: واااااااااااو ريموه صج طالعة حلوه و انيقة
ريم وهي مستحية: عيونك الحلوه
منال: أحم أحم نحن هنا
ريم وسالم: هههههههه
سالم: زين فهمنا ههههه.. يلا حبيبتي تعالي عطيني ايدج
طلعت ريم من البيت وماسكه ايد خطيبها وفتحلها الباب
سالم: ريم حبيبتي شوفتج وقعدتج جنبي يكفيني ويسوى الدنيا ومافيها
ريم مستحية ماتعرف شتقول
سالم: يلا حبيبتي أنحرك
ريم: هيه يلا
بعد تقريبا ساعة وصلوا للمكان الرومنسي الي كان بيودي ريم
والمكان كان يطل عالبحر وفالنص كان طاولة مرتبة وفيها الاكل وريم تمت واقفة عالبحر وراح سالم وراها ومسكها ومن ورا وشوي خافت ريم
سالم: تعرفين ريموه أنتي حلم حياتي
ريم وهي لافة عليه
ريم: أنت بعد حلم حياتي ...أحبك سالم
سالم: قوليها بعد
ريم: أحبك
سالم: أموووووت فيج انا وبعد
كل هالكلام الحلو مسكها وقعدها عالكرسي
سالم: براويج شي
ريم: أوكي
سالم:طلع من جيبه بوكس صغير أحمر وكان داخله خاتم الماس وفتحها
ريم: الله وايد حلو سالم ليش كلفت على روحك
سالم: أنتي حبيبتي لا كلافة ولاشي لو مايبته لج أييبه لمنو
ريم: فديت روحك الله لايحرمني منك
سالم: ولامنج ياحبيبتي
تموا يسولفون واخذتهم الوقت وفجأه ريم شافت الساعة
ريم: يلا سالم بنرجع البيت
سالم: لا
ريم: ليش
سالم: ابيج ماشبعت منج خلينا شوي عقب برجعج
ريم: عشانك بتم شوي
سالم: فديتج انا
بعد ماتعشوا سالم مسك ايد خطيبته ويركض فيها صوب البحر وفجأة شلها لين فوق وريم تصارخ تباه ينزلها وبعد مانزلها حضنها بقوه وشاف الدنيا فيها عاد ماتتخيلون ان عطرها خبااااال يجنن طبعا ريم استعملت عطر شانيل هذا من عطورها المفضلة عندها
سالم: تعرفين ريموه عطرج طررررر بس انتي احلى من العطر يا روحي
ريم: فديت روحك أنا
سالم: ياخي والله احبج شو اسوي انا
ريم : وانا بعد ... يلا سالم أباك تردني البيت تأخرنا
سالم : انشاءالله حبيبتي يلا نروح
ريم : يلا
*
*
بنكمل عقب نبي رايكم شو راح يصير عقب

فالسيارة ريم كانت مستانسة أن هي ويا سالم وسالم ماكان وده يرجعها البيت وبعدين كملوا سوالفهم
سالم: ريموه حبيبتي
ريم: عيوني
سالم: تسلم عيونج حبيبتي.. ريموه وين تبينا انسافر بعد ما انعرس
ريم: أي مكان عادي
سالم: لا شو أي مكان اختاري انتي
ريم: اي مكان يعجبك انت يعجبني انا
سالم: فديييييييييييييت وربي.. عيل شرايج انسير إيطاليا؟
ريم: تم بنسير وين ماتبي انت
سالم: ريموه
ريم: نعم
سالم: لا ... ريموووه
ريم: هلا
سالم: لا .. ريمووه
ريم: عيون ريم
سالم: يمه فديت عيونج...أحبج ياخي
ريم وهي مستحية: أموت فيك أنا
بعد ما أخّذتهم السوالف فالطريج وصلت ريم البيت
سالم: يلا حبيبتي وصلنا
ريم: تامر على شي غناتي
سالم: أبي سلامتج يا روحي من ادشين الغرفة كلميني
ريم: إنشاءالله
سالم: لحظة لحظة وين
ريم: ها شفيك
سالم: نسيتي شي
ريم وهي مبتسمة: هههههه أحبك
سالم: أموت فيج أنا ياحياتي
ريم حدها استانست ويا سالم خطيبها وشوي دقت الباب
ريم: طق طق
إبراهيم: هلا بأختي ها شو سويتي ويا خطيبج
ريم: ماشي تمشينا شوي وتعشينا
إبراهيم: بالعافية عليكم
ريم: الله يعافيك إلا تعال وين امي و أبوي
إبراهيم: داخل يتريونج
ريم: السلام عيكم
الكل: وعليكم السلام
راشد: نورتي ريموه حمدالله على سلامتج
ريم: الله يسلمك اخوي الغالي
أم ريم: ها يابنتي كيف كان يومج
ريم: حمدالله ماما كله تمام
أم ريم: حمدالله
أبو ريم: إنشاءالله استانستي ياريم
ريم: حمدالله أبوي مستانسة ومرتاحه
أبو ريم: انشاءالله دوم مرتاحة يابنتي
محمد: الله يوفقج حبيبة أخوها
ريم: تسلملي حبيبي أخوي... يلا عن أذنكم أنا بسير اريح شوي
الكل: حفظج الله رقاد العافية
ريم: الله يعافيكم
ريم على طول ركضت للغرفة بدلت ولبست ملابس نوم حريري لونه أبيض طبعا لان وقت الرقاد وشوي بتتصل على سالم
ريم: هلا هلا بقلبي
سالم: فديت هالصوت.. شحالج حبيبتي
ريم: بخير ياحياتي انت شحالك
سالم: بخير حمدالله يسرج الحال
ريم: أهم شي تطمنت عليك وصلت البيت؟
سالم: هيه حبيبتي وحدي تعبان
ريم: خلاص عيل أخليك أتنام وبينا باجر أنا بعد تعبانة
سالم: أوكي حبيبتي يلا تصبحين على خير
ريم: أنت من اهله
سالم: أحبج حبيبتي
ريم: أموت فيك
سالم: باي
ريم: باي
ناموا الحبايب لين الصبح هههههه وفي يوم يديد في بيت أم سالم
أم سالم: طق طق... سالم قوم يلا بسك نوم
سالم: يلا امي بقوم
قام سالم من النوم وراح الحمام عشان يصحصح ونزل عشان يترق ويا اهله
أم سالم: ها يا ولدي نمت عدل
سالم: هيه الحمدالله
أم سالم : حمدالله ... شو سويت امس مع ريم
سالم: ماشي أمس طلعتها عالبحر وتعشينا عشا رومنسي
أم سالم: هههههه عليكم بالعافية الله يهنيكم وريم ماراح تلقى مثلها
سالم: أكيد أمي
وبعد خمس دقايق دخل عليهم أبو سالم و حصة
أبو سالم وحصة: السلام عليكم
الكل: عليكم السلام
قعدوا عشان يتريقون ويا بعض
أبو سالم : ها ولدي شخبارك اليوم
سالم: حمدالله يا الوالد.. انت اخبارك
أبو سالم: حمدالله
سالم: دوم يارب
حصة: ها ياخوي أخبارها ريموه
سالم: حمدالله
حصة: حمدالله
تريقوا وسالم خلص بسرعة عشان يكلم ريم ويسمع صوتها...
وتليفون ريم يرن على أغنية اخر حبه
ريم: ألو
سالم: هلا بالهصوت ... صباح الخير حبيبتي
ريم وهي مستحية: يلا سلوم تراني استحي
سالم: فديت الي يستحون
ريم: صباح الحب ياقلبي
سالم: طالعة مكان اليوم حبيبتي
ريم: هيه بطلع ويا الاهل شوي
سالم: وين
ريم: يمكن انسير المول تغيير جو من زمان ما طلعنا طلعت اهل
سالم: هيه والله .. انجوي حبيبتي
ريم: وانت بعد .. يلا قلبي بخليك أحينه بدرس
سالم: الله يوفقج حياتي
ريم: ويوفقك ياروحي
سالم :باي حبيبتي
ريم: باي
بعد اربع ساعات راحت ريم تتغدى ويا الاهل
أم ريم: يلا تعالو الغدا جاهز
الكل : يلا يايين
ريم: الله الله شو ريحة الاكل ولا غلطة
أم ريم: عليكم بألف عافية
الكل : الله يعافيج
غداهم كان لذيييذ حده وريم مشاءالله عليها اكلت وايد
أبو ريم: ها لاتنسون طلعتنا اليوم نبا نستانس
الكل: أكيد
اكلوا وخلصوا وريحوا تقريبا ساعة عقب يتجهزون حق الطلعة
منال: رييموووووه
ريم: هلا
منال: ريموه شو البس
ريم: اي شي مريح
منال: انزين شرايج في هذا
ريم: حلو ألبسيها
منال كانت لابسة تنورة صفرة وقميص أبيض حريري وحلو طالع عليها أما ريم لبست شي بسيط و لبست بنطلون ازرق وقميض أبيض وحطيت ميكب خفيف وطلعت صج طرررررر.. بعد مالبسوا وخلصوا ركبوا السيارة وريم ومنال واخوانها الثلاثة قاعدين يترقصون المهم بعد ساعة وصلوا الوحدة المول والحريم بروحهم والرياييل بروحهم
أبو ريم: ها اذا خلصتوا اتصلوا
الكل: انشاءالله
ريم واختها وامها ساروا محل ملابس
ريم: ماما شوفي هالدريس
أم ريم: حلو حبيبتي خذيه
ريم: أوكي بسير أقايسه اول
منال و أم ريم: راحوا يدورون ملابس بعد
أم ريم: منال شورايج في هالقميص
منال: حلو ماما
أم ريم: يلا عيل باخذه
ومنال تم ادور لين ماحصلت الشي الي هي تبيه
منال: ماما شورايج في هالنعال
أم ريم: حلو يابنتي
طبعا خذوا الي يبونه من المحل وطلعوا تموا يمشون وايد من التعب قعدوا وشو صار مع ابو ريم و عياله
محمد: أقولكم
الكل: قول
محمد: تعالوا بنسير ستاربكس
الكل: يلا نروح
وصلوا ستاربكس وطلبوا الي يبونه وقعدوا يسولفون لين ماخلصوا الحريم
أم ريم: ألو
أبو ريم: هلا يا منيرة خلصتوا
أم ريم: هيه عبدالله خلصنا
أبو ريم: يلا تعالو نحن في ستاربكس
أم ريم: يلا يايين
وصلوا وقعدوا ويابعض وعقب ساروا يطلبون عشاء وكانوا طالبين وايد طالبين من كنتاكي و طالبين بيتزا
*
*
وهني بوقف ونكمل بوقت ثاني

بعد ماخلصوا من الاكل راحوا البيت وتقريبا بعد ساعتين وصلوا البيت
أم ريم: ااااخ اليوم كان حده تعب
أبو ريم: هيه والله تعب يا منيرة
ريم: يلا عيل أنا أخليكم لاني وايد تعبانه
الكل: رقاد العافية
ريم: الله يعافيكم
ريم راحت غرفتها من التعب الي هي فيها وكان ويها ماكان طبيعي ومصفر من التعب غفت عينها ونامت
*صباح يوم يديد*
راحت أم ريم اتقعد ريم من النوم طولت فالنوم
أم ريم: ريم
ريم:.......
أم ريم: ريم
ريم:.......
أم ريم: ريم حبيبتي تسمعيني
ريم:......
أم ريم: يمه بنتي ريييييييييييم ردي عليه.... أبو ريم الحق عليه
أبو ريم: ها شفيج يا منيرة
أم ريم وهي تصيح: ريم ماترد عليه يا عبدالله
أبو ريم: وخري بكسر الباب
أبو ريم كسر الباب وشاف ريم طايحة وعلى طول أم ريم ركضت لعندها
أم ريم: يمه بنتي ريم ردي عليه حبيبتي تسمعيني دخيلج ردي عليه
أبو ريم: هدي يا منيرة قومي خلينا انوديها المستشفى
يوم نزلو ريم من الغرفة عشان يودونها المستشفى اخوانها شايفينها طايحة ومصدومين وعلى طول لحقوا على اختهم وبعد ساعة وصلوا المستشفى
أم سالم: ها دكتور بشر شفيها بنتي
الدكتور: البنت تعبانه وايد ويمكن حالتها اتسوء حاليا سوينه لها تحليل دم عشان نعرف النتيجة
أم سالم وهي تصيح: يمه بنتي
أبو سالم: هدي يا منيرة انشاءالله اتقوم بالسلامة
طبعا سالم مايدري عن اي شي ويوم راح اتصل عليها ردة اختها منال
سالم: ألو ريموه
منال: انا منال يا سالم
سالم: عيل وين ريم
منال.......
سالم: شفيج ساكتة ريم وينها
منال: ريم بالمستشفى يا سالم ووايد تعبانة
سالم: شوووووو اي مستشفى
منال: مستشفى الرحبة
سالم: خلاص انا ياي الحين ماراح اطول
منال: في انتظارك
وراحت منال خبرت اهلها ان سالم راح ايي عشان يشوف ريم
منال: بابا
أبو ريم: ها يابنتي
منال: بابا سالم اتصل على رقم ريم قتله ان ريم هني
أبو ريم:ليش قلتيله يا منال مابيه يشوف ريم تعبانة
منال: بابا لان سال عنها
أبو ريم: تمام مب مشكلة
بعد نص ساعة سالم وصل المسشتفى وراح ركض عند عمه
سالم: عمي شفيها ريم
أبو ريم: اهدى يا سالم انشاءالله مافيها الا العافية
سالم وهو يصيح: احاتيها ياعمي هي اغلى شي عندي مالي غيرها
أبو ريم: ادعيلها وانشاءالله اتقوم بالسلامة
وسالم حده كان يحاتي خطيبته وخايف عليها وايد
*في جامعة ريم*
مريم: اقولكم بنات ريم اليوم ماداومت
البنات: هيه مختفية اليوم أول مره
مريم: انشاءالله خير
البنات: انشاءالله
وبعد نص ساعة يتلها فاطمة وفاطمة صديقة مريم وريم
فاطمة: هلا مريوم
مريم: هلا فاطمة شحالج
فاطمة: حمدالله أنتي شحالج
مريم: بخير يسرج الحال
فاطمة: عيل وين ريموه مريم
مريم: غايبة اليوم
فاطمة: غريبة عسى خير انشاءالله
مريم: انشاءالله
فاطمة: يلا عيل قومي خلينا نتمشى
مريم: يلا
خلص البريك وكل وحده راحت كلاسها
مريم: يلا فطوم اشوفج عقب
فاطمة: اشوفج حبيبتي
راحت مريم كلاسها وريم طبعا ويا مريم بنفس الكلاس ودخل عليها د.يوسف
د.يوسف: السلام عليكم
البنات: عليكم السلام
د.يوسف: تفضلوا
بعدين الدكتور يطالع البنات لقى ان في كرسي فاضي عرف ان ريم مب مداومة اليوم
د.يوسف: مريم
مريم: نعم دكتور
د.يوسف: وين ريم اليوم؟
مريم: غايبة دكتور
د.يوسف: ماتعرفين شو سبب غيابها
مريم: الدكتور لو بعرف بخبرك
د.يوسف: أوكي
فامستشقى مر الدكتور صوب عايلة ريم
أم ريم: ها دكتور شو التحاليل
الدكتور: أنتي مؤمنة بقضاء الله وقدره
طبعا الكل خايف من كلام الدكتور
أم ريم وهي تصيح: شو يادكتور شفيها بنتي
الدكتور: للاسف ريم عندها مرض السرطان
أم ريم داخت عليهم من بعد ماسمعت هذا الكلام
منال: ماما ردي عليه
خذو أم ريم للغرفة عشلن ترتاح
أبو ريم: دكتور سرطان شو بالضبط
الدكتور: سرطان بالدماغ الله يشفيها انشاءالله
****
هني كفاية شو تتوقعون يصير مع ريم هل بتعيش أو تموت وشنو بيكون حالة سالم

مثل ماقتلكم ريم عندها سرطان بالدماغ يمكن اتعيش او تموت هذا قضاء الله وقدره وكل شي بيد رب العالمين وريم تمت فالمستشفى مدة اسبوع عشان صحتها وبعد اسبوع ريم بخير ورجعت البيت بين اهلها واحبابها
* في بيت أم ريم*
ريم: ودوني الغرفة أبا أنام
أبو ريم: تعالي يا بنتي أنا بوديج
ريم: لحظة أبويه
أبو ريم: هلا بنتي شفيج
ريم: وين أمي
أبو ريم: أمج طاحت علينا بعد ماسمعت أنج مريضة
ريم: أبويه دخيلك روحلها ولاتخلي أمي بروحها وهذا قضاء وقدر واذا الله كتبلي بعيش واذا لا بموت
أبو ريم: ونعم بالله.... اوديج الغرفة عشان ترتاحين وبعدين لامج
ريم: انشاءالله
طبعا ريم مبين في حالة تعب ووايد مضايقة أنها مرضت لكن هالشي مب بيدها وراحت ريم اتصلي وتدعي أن الله يشفيها ويعافيها
* في بيت أم سالم*
أم سالم: سالم
سالم: هلا امي
أم سالم: شفيك ياولدي
سالم: ريم يا امي ريم
أم سالم: شفيها ريم خوفتني
سالم وهو يصيح: ريم يا امي مريضة بالسرطان
أم سالم مصدومة: لا مو من صجك
سالم: لا من صجي
أم سالم: قوم ودني عندهم
سالم: بس امي
أم سالم: لابس ولا شي قوم ودني
سالم: إنشاءالله
سالم خذه أمه لبيت أم ريم عشان تطمن على ريم المسكينة
ريم حطت راسها عالمخده عشان تريح شوي وبعد خمس دقايق باب غرفتها يدق
ام سالم: طق طق
ريم: اتفضل
أم سالم: رييييييييييييم
ريم وهي تصيح: مرت عمي
ام سالم وهي تحضن ريم: الله يشفيج يا بنتي
ريم: حمدالله على كل حال يا مرت عمي
أم سالم: حمدالله
تمت أم سالم عند ريم وقعدت تطمن عليها بعدها راحت وريم من كثر البجي غفت ونامت ولكن بعد خمس ساعات تليفون ريم يدق
ريم: ألو
مريم: ريييييييم حبيبتي وينج أنتي
ريم: فالبيت حبيبتي
مريم: حمدالله بس ليش كنتي غايبة
ريم:.....
مريم: ريم انتي معاي
ريم: هيه معاج
مريم: ليش كنتي غايبة الكل كان يسال عنج
ريم: بصراحة مريم ماعرف شو اقولج
مريم: شفيج ريموه خرعتيني شصاير
ريم: انا مريضة بالسرطان
مريم: شووووووو... انتي تجذبين صح
ريم: لا مريم ها الصج
مريم وهي تصيح: ريم دخيلج انتي بخير
ريم: حبيبتي لاتخافين انا بخير
طبعا مريم من خوفها على ريم تمت وياها ومستحيل تتركها وهي بمرضها وبعد تقريبا خمس ساعات رجعت ريم البيت من التعب
ريم : السلام عليكم
ام ريم :وعليكم السلام
أم ريم : تعالي يا ريم تعالي يابنتي انتي بخير
ريم : هيه امي انا بخير خليج مرتاحه انا بروح غرفتي
أم ريم : انتبهي على روحج حبيبتي
ريم : انشاءالله
ريم راحت غرفتها من التعب وحطت راسها وفجاه رن تليفون ريم والمتصل كان خطيبها سالم
سالم: الو ريم حبيبتي
ريم : هلا حبيبي سالم
سالم: شحالج انتي بخير؟
ريم: انا بخير يا الغالي
سالم : والله اني احاتيج ريمووه
ريم وبنبره حزينه: انا بخير وهذا قدر من رب العالمين مابيدنا شي انسويه
سالم بضيقه : ونعم بالله ريم انا خطيبج وباجر بكون ريلج اذا تبين شي خبريني ولا تترددين
ريم: انشاءالله حبيبي
سالم: يلا حبيبتي ابيج اتنامين وبعدين بنتكلم
ريم: اوكي يلا باي
سالم: احبج
ريم: اموت فيك
ريم حالتها صعبة مع مرضها الله يشفيها تتوقعون بتتشافى من المرض ولا بتموت

في صباح يوم يديد ريم قعدت من النوم وهي نشيطة وامها دقت الباب عليها
أم ريم : طق طق
ريم : اتفضل
أم ريم : صباح الخير حبيبتي ريم
ريم : صباح النور ماما
أم ريم : ها يا بنتي شخبارج اليوم
ريم : حمدالله ماما أنا بخير
أم ريم : يلا عيل قومي غسلي ويهج وانزلي اتريقي
ريم : إنشاءالله
ريم قامت غسلت ويها ونزلت عند اهلها تتريق قبل لاتروح الجامعة
ريم : صباح الخير حبايبي
الكل: صباح النور
أبو ريم : هلا هلابنتي ريم
ريم : هلا بابا
أبو ريم : شخبارج
ريم : حمدالله بابا انا بخير
أبو ريم : يلا بنتي اكلي عشان لا تتاخرين عالجامعة
ريم : حاضر بابا
أبو ريم : ها محمد كيف الشغل وياك
محمد : حمدالله ابوي كله تمام
أبو ريم : وانتوا إبراهيم و راشد
راشد وإبراهيم : حمدالله
أبو ريم : حمدالله .... الا منيرة
أم ريم : هلا عبدالله
أبو ريم : عيل وين منال بنتج
أم ريم : راحت المدرسة
أبو ريم : اها زين عيل
ريم خلصت الريوق وقامت وسارت الجامعة
في جامعة سالم
أحمد : سلوم
سالم : ها
أحمد : شفيك ياخوي
سالم : احاتي خطيبتي
أحمد : انشاءالله الله يشفيها انت بس ادعيلها يا ريال
سالم : انشاءالله ... يلا قوم عندنا كلاس
أحمد : يلا
سالم : اقولك احمد انت ادخل وانا بعدين بدخل وراك
أحمد : اوكي
سالم مادخل الا كان يبا يتصل على ريم ويتطمن عليها
سالم : ألو ريم
ريم : هلا حبيبي
سالم : شحالج حبيبتي
ريم : بخير حمدالله
سالم : انتي بخير حياتي
ريم : هيه انا بخير ياقلبي لا تحاتي
سالم : المهم حبيبتي انا اتصلت عشان اطمن عليج يلا انا بخليج وبعدين بكلمج عندي كلاس
ريم : على خير انشاءالله بينا
سالم : باي ... احبج
ريم : اموت فيك
ودخل سالم الكلاس وهو مستانس ومطمن على خطيبته وقعد جنب ربيعه أحمد
أحمد : اشوف الابتسامة شق الحلج
سالم : هههههه حمدالله اني اطمنت عليها
أحمد : حمدالله
بعد نص ساعه خلصوا الكلاس وطلع سالم ويا ربعه بعد الجامعة يبون يتنفسون ويطلعون من جو الدراسة
في جامعة ريم
ريم : بنات شرايكم نطلع اليوم انسير المول والله مليت
البنات: اوكي بس وين
ريم : اي مكان انتوا تبونه
البنات : خلاص انروح دلما
ريم : تم
بعد البنات يوم خلصوا كلاساتهم طلعت ريم ويا ربيعاتها وساروا دلما وقبل كل ها راحت اتصلت على امها على انها سايره المول ويا اربيعاتها
ريم : ألو ماما
أم ريم : هلا ريم
ريم : ماما انا سايره دلما ويا البنات تبين شي يا الغالية
أم ريم : أوكي حبيبتي انتبهي على روحج
ريم : انشاءالله ماما
أم ريم : حفظج الله يابنتي
ريم: باي
ريم طبعا راحت بسيارتها بعد ماتصلح ومعاها اربيعاتها وبعد ساعتين وصلوا المول
ريم : ويييي وصلنا واخير
مريم : هيه والله مابغينا
سارة: تعالوا نقعد في ستار بكس شرايكم
البنات : يلا نروح
البنات كانوا تعبانين وبنفس الوقت عطشانين وراحوا قعدوا في ستار بكس
ريم : بنات انا في هالويكند بطلع ويا الاهل البر
فاطمة: زين عالاقل تغيير جو دام بيكون ايجازه الحينه
ريم : هيه والله صدقتي
وصل طلبيات البنات وريم لفت ويها وشافت سالم وربعه وسالم لف وشافها طبعا كان صدفه ومايدرون وطبعا سالم مستحي ايي صوبها لان شي بنات بس طرش مسج لها وكتب
سالم : انتي هني وماخبرتيني
ريم : سوري حياتي كنت بخبرك بس فجاه شفتك
سالم : فديتج والله معليه عادي يلا خليج وياهم
ريم : انشاءالله
تموا البنات يسولفون وايد واخذتهم السوالف وفجاه مر واحد جداهم حط الورقة عند ريم و شاف سالم ان هالريال يعطي ورقة حق ريم وركض بسرعة عنده
سالم : انت يا كلب شو عطيتها
لؤي : وانت منو اصلا
سالم: انا خطيبها
لؤي : ههههههههه ضحكتني والله
سالم ماتحمل الموقف الي صار قام وعطاه كف قوي ونزل منه دم وراح لؤي اشتكه على سالم والبنات من الموقف طلعوا من المول ورجعوا بيوتهم
في مركز الشرطة
الظابط : انتوا شو مسويين
لؤي : حضرت الظابط هذا الريال مد ايده عليه
الظابط : وانت يا سالم ليش مديت ايدك عليه
سالم : لان هو كان يعطي حق خطيبتي رقمه
الظابط : وانت لؤي ليش سويت جي
لؤي : .........
الظابط : سالم انت تقدر تروح
سالم : مشكور
الظابط: لؤي راح تكتب تعهد على الي سويته
لؤي : ليييش المفروض انت اكتبه هو مب انا
الظابط: ولا كلمة
لؤي : حاضر
لؤي كتب التعهد بأن مايتعرض ريم ولا حتى لسالم
تتوقعون شو بيصير في ريم بعد هالموقف

راح سالم يتصل على ريم
سالم: ألو
ريم: هلا حبيبي
سالم: منو هذا الي عطاج رقمه تعرفينه ولالا
ريم: شفيك معصب وتقعد تصارخ
سالم: يعني أونج ماتعرفين
ريم: الشرهه مو عليك الشرهه عليه أنا
طبعا ريم سكرت الخط بويهه وتمت اتصيح بسبب سالم وسالم تنرفز منها لان سكرت الخط بويهه وريم من التعب نامت
*في صباح يوم يديد*
ريم قعدت من النوم وقامت تتجهز للجامعة وبعد ساعة وصلت ريم الجامعة وبعيونها دموع ومريم شافت ريم اتصيح وعلى طول رطضت عندها
مريم: ريم حبيبتي شوفيج ليش اتصيحين
ريم: آآآآآآآآآآه يا مريم
مريم: سم الله عليج شفيج
ريم: سالم يا مريم سالم
مريم: شفيه سالم
ريم: أمس صرخ عليه وعصب عليه على سالفة الريال الي عطاني رقمه
مريم: الصراحة مب من حقه يصارخ عليج بس ما عليه حبيبتي هدي أكيد سوا جي لان يغار عليج ويحبج وايد
ريم: الي سوا فيني مو شوي خلاص يعني أنعدمت الثقة
مريم: لاتقولين جي صدقيني هو يحبج وبعدين بيندم على الي قاله لج أنتي بس اهدي
وتلفون ريم يرن وكان سالم الي داق
مريم: ردي عليه يدق عليج
ريم: مابي أكلمه مريم لاتضغطين عليه يودي أنتي رمسيه
سالم: ألو ريم حبيبتي
مريم: أنا مب ريم أنا مريم
سالم: عطيني أكلم ريم يا مريم
مريم وهي اتطالع ريم
مريم: حبيبتي يباج
ريم وهي معصبة: مابي أكلمه
مريم: شفت كيف قتلك ماتبي أتكلمك بس ماعليه خلها تهدى وبعدين هي بتكلمك
سالم: أوكي ..باي
مريم: باي
مريم طبعا لحقت ريم لين كلاسها وقعدت عدالها وقالتها
مريم: حبيبتي ريم شفتي كيف هو يحبج ويبا يعتذر منج
ريم: دخيلج مريم خلاص
مريم: على راحتج حبيبتي
فجأه رن تليفون ريم الا أمها اتصلت عليها
ريم: ألو
أم ريم: هلا حبيبتي
ريم: هلا ماما في شي
أم ريم: لا حبيبتي بس كنت بقولج عطلة الاسبوع بنطلع بنروح البر
ريم: اوكي ماما يلا بخليج لان عندي كلاس
أم ريم: الله يوفقج يا بنتي
ريم: مع السلامة ماما
أم ريم: حفظج الله يابنتي
أم ريم شكت أن ريم بنتها فيها شي بس بعد بتخليها على راحتها ومابتضغط عليها وريم ماقدرت اتخلص كلاسها كلها أستأذنت من الدكتور وطلعت
وصح نسيت أخبركم سالم ما داوم بعد ما كان له خلق بعد الي سوا في ريم وفجأه تليفونه يرن الا أحمد ربيعه متصل فيه
أحمد: ألو
سالم: هلا
أحمد: وينك شو مب مداوم اليوم
سالم: لا تعبان اليوم
أحمد: ما تشوف شر يا خوي .. يلا عيل دامك تعبان بخليك بكلمك وقت ثاني
سالم: اوكي

يلا أنا رجعت عشان أكمل الرواية
*
*
مثل ماقتلكم ريم حييل مضايجة من سالم بسبب أسلوبه القاسي وريم طلعت من الكلاس وركبت سيارتها ولحقتها مريم صديقتها بس طبعا ريم على طول راحت لكن مريم كلمت فاطمة عشان ريم
مريم: فاطمة فاطمة
فاطمة: ها مريم شفيج
مريم: قومي خلينا نطلع ونلحق ريم
فاطمة: ليش ريم وين سارت
مريم: مب وقته تسألين فطوم خلينا نلحقها قبل لاتسوي شي بنفسها
فاطمة: يلا انزين خلينا انروح
مريم وفاطمة راحوا يلحقون ريم وفجأه فالشارع حصلوا سيارة ريم وريم كانت مسرعة طبعا ماقدرت اتسيطر على سواقتها الا ريم سوت الحادث وقلبت السيارة
ومريم وفاطمة ضيعوها فجأه بس طبعا كملوا طريجهم عشان يلقونها وحصلوا أن في حد مسوي الحادث ويوم نزلوا شافوا ريم وهم مصدومين وعلى طول وصلوا الاسعاف ياخذون ريم وبعد عشرين دقيقة وصلوا الاسعاف فالمستشفى وريم حالتها خطرة
مريم: دكتور الله يخليك مانبيها اتموت
الدكتور: طولي بالج إنشاءالله راح انسوي الي نقدر عليه
فاطمة: هدي يا مريم ذكري الله انشاءالله اتقوم بالسلامة
وهدت مريم وراحت اتصلت على أم ريم
مريم: ألو
أم ريم: يا هلا
مريم: خالتي أنا مريم صديقة ريم
أم ريم وهي خايفة: خير يا مريم بنتي ريم فيها شي
مريم:.......
أم ريم: تكلمي بنتي فيها شي
مريم: خالتي ريم سوت حادث وهي الحين فالمستشفى
أم ريم: يمه بنتي
أم ريم سكرت التليفون وسارت اتنادي زوجها عبدالله ( بوريم)
أم ريم: عبدالله يا عبدالله
أبو ريم: شفيج يا منيرة
أم ريم: عبدالله الحق عليه
أبو ريم : ها شفيج
أم ريم: بنتي يا عبدالله بنتي
أبو ريم: شفيها ريم
أم ريم: مريم اتصلت عليه وقالتلي ريم بالمستشفى سوت حادث
أبو ريم: لا حول الله
وراح أبو ريم ينادي عياله عشان كلهم يروحون
أبو ريم: منال ، راشد ، محمد ، إبراهيم
الكل: هلا أبوي شفيك
أبو ريم: امشوا اختكم سوت حادث
الكل : ريييييييم
أم ريم أتصلت في خديجة ( أم سالم)
أم ريم: ألو
أم سالم: هلا منيرة
أم ريم: لحقي علينا يا خديجة
أم سالم: شفيج
أم ريم: بنتي يا خديجة تعالي المستشفى
أم سالم: يلا يايين بس قوليلي أي مستشفى
أم ريم: الرحبة
أم سالم: هدي يا منيرة يلا أنا بيي وزوجي وعيالي
أم ريم: ننتظركم
أم سالم راحت بلغت زوجها ناصر على الموضوع وسالم وقتها كان بالغرفة
أم سالم: ناصر يا ناصر
أبو سالم: ها شفيج بعد
أم سالم: ريم بنت أخوك
أبو سالم: شفيها
أم سالم: بالمستشفى
أبوسالم: شوووووووو بنت أخوي بالمستشفى
أم سالم: لاتكثر كلام خلنا انروح
أبو سالم: وينه سالم ولدج
أم سالم: بغرفته
أبو سالم: ساااااااااالم ساااااااالم سااااااااااالم
سالم: هلا ابوي شوفيك
أبو سالم : قوم روح ويانا خطيبتك ريم بالمسشتفى
سالم: شوووووووووو خطيبتي شفيها
أبو سالم: خلنا انروح ونعرف شصاير
طبعا سالم حس بالندم وايد وبعد ساعة وصلوا المستشفى بس أهل ريم وصلوا قبلهم ويا الدكتور صوب أبو ريم
أبوريم: طمني يا دكتور ريم شخيارها؟
الدكتور:........
أبوريم: شفيك دكتور بنتي شوصار فيها
الدكتور: سوينا الي علينا بس ما استجابت
وركض سالم عند الدكتور يضربه لان مب مصدق صار بريم جذي
سالم: شو يعني ريم ماتت
الدكتور: خل ايمانك بالله قوي
سالم: لاااااااااااااااااااااااااا سوووا اي شي عشان اتعيش
*****
وبس لين هني خلاص تتوقعون الدكتور راح يحاول يخلي ريم اتعيش وهل ريم راح تستجيب مره ثانيه ولا خلاص بتكون نهاية حياتها نتريا رايكم

باك من يديد
*
*
في يوم الثاني العايلة تتجهز حق البر ولكن شو صار في بيت أبو ريم
أبو ريم: هااااا جهزتوا ولا بعدكم
الكل: هيه هيه جاهزين
أبو ريم: اترياكم فالسيارة
*في بيت أبو سالم*
أبو سالم: ساااااااااالم .. سااااااااااااااااااااااالم
سالم: هلا أبويه
أبو سالم: تعال انزل بسرعه
سالم: ان شاءالله يلا ياي
بعد خمس دقايق نزل سالم
سالم: خير ابويه شوفيك
أبو سالم: مافي شي بس جهزتوا عشان مانتأخر
سالم: هيه تقريبا جاهزين
أبو سالم: زين يا ولدي أبيك بسالفة
سالم: آمر يالغالي شو مستوي
أبو سالم: سالم يا ولدي انت الحين ماشاءالله عليك مابقى شي وتتخرج من الجامعة شد حيلك عشان نخلص موضوع زواجك من بنت عمك ريم
سالم: ان شاءالله يالغالي لاتحاتي
أبو سالم: بارك الله فيك يا ولدي.. يلا قوم نادهم عشان لانتأخر
سالم: حاضر
ماقلت لكم ان سالم حده مستانس بيشوف خطيبته ريم فالبر عقب ساعتين تقريبا وصلوا البر والجو كان خيااااااال
ريم : منووووول
منال: ها شفيج
ريم: تعالي خلينا نلعب انا وانتي وحصوه
منال: اوكي بس وينها حصوه
ريم :مادري سيري شوفها عند مرت عمي أم سالم
منال: انزين
راحت منال ادور حصه عشان يلعبون هم وريم وياهم بس ريم فجأة حست ان في حد ماسك كتفها
ريم: يمه بسم الله خرعتني
سالم وهو ميت ضحك: أسف حبيبتي خرعتج
ريم: الا طيحت نصي
سالم: فديتج انا
ريم: شو يابك عندي سيييير قبل لحد يشوفنا
سالم: خلهم يشوفونا
ريم: ينيييت سلوم
سالم: مينون بحبج ياخي
ريم وهي مستحيه: يلا عاد بس
سالم: فديت الي تستحي أنا
ريم بصوت خافت: فداك الكون
وفجأة يو حصة ومنال
حصة و منال:أحم أحم نحن هني
سالم: لا حووووول اتحبون تخربون علينا
الكل: هههههههههه
سالم: يهمس لريم: أحبج
ريم: أموت فيك
وسالم خلاهم وراح عنهم بنشوف عند اخوان ريم شو يسوون
محمد: اقولكم شباب قوموا خلونا انحوط بالسيارة شوي
الكل: يلا اوكي
ابراهيم: بس أنا الي سوق هههههه
راشد: ولايهمك انت الي بتسوق
الكل: ههههههه
قاموا الشباب يحوطون شوي بالسياره على هالجو الحلو بعد ساعه تقريبا رجعوا عند الاهل وقعدوا يتغدون وبعد ماخلصوا الغدا قعدو يريحون شوي من هالدرب الطويل ولكن ريم طول الوقت تفكر بسالم ومن كثر التفكير غفت عينها ونامت بعد ثلاث ساعات ريم قعدت من النوم وشافت ان الساعه ثمان فالليل طلعت من الخيمة وقعدت فوق الصخرة وتناظر السما وفجاة حست بلمسة ايد سالم.
سالم: الحلوه شو تسوي
ريم: ماشي
سالم: حبيبتي تفكرين بشي
ريم: لا قلبي مافي شي
سالم: أكيد؟
ريم: أكيدين حياتي
سالم: ريموه
ريم: عيونها
سالم: عطيني ايدج خلينا احوط بالسيارة
ريم: اوكي عطني خمس دقايق البس عباتي واييك
سالم: اوكي حبيبتي أترياج
راحت ريم بدلت ولبس بنطلون اسود وقميص ابيض وجوتي رصاصي ولبست عبايتها وسارت عند سالم
سالم: فديت هالجمال
ريم وهي مستحية: فدا
سالم: مشينا؟
ريم: مشينا
ركبت ريم ويا سالم وقعدوا يحوطون بالسيارة ووقتها سالم مشغل اغنيه رومنسية ويناظر ريم بعيونها الحلوه وتم ماسك ايدها الناعمة لكن شو صار عند اهلهم
أم سالم: اقولك بوسالم عيل وين سالم
أبو سالم: علمي علمج مادري
أم سالم: دق عليه شوفه وينه
أبو سالم يدق على ولده
أبو سالم: ألو
سالم: هلا ابوي
أبو سالم: وينك
سالم: ويا ريم ابويه ليش
أبو سالم: انزين ارجعوا لاتتاخرون
سالم: ان شاء الله
ريم: هذا عمي؟
سالم: هيه حبيبتي يسال يطمن خلينا نرجع
ريم: هيه يلا اكيد امي بعد اتحاتي
بعد ساعتين ردوا ريم وسالم عند اهلهم
أم ريم: يمه بنتي
ريم: يمه شفيج مافيني شي انا بخير كنت ويا سالم
أم ريم: خفت عليج حبيبتي
ريم: لاتخافين أنا بخير
أبو ريم: كيف مانخاف عليج يا بنتي
ريم: لاتحاتون دام كنت ويا سلوم مافيني شي
الكل: حمدالله
سالم رجع عند اهله
أبو سالم: وينك تأخرت
سالم: شو اسوي يبا احوط خطيبتي شوي مشتاق لها
أم سالم: هههههههه.. خف عالبنت شوي
سالم: ماقدر يمه احبها
الكل: هههههههههههههههههه
العايلة تموا يومين وبعدها رجعوا بيتوهم من التعب والهلاك
أم ريم: ويييييييييي درب درب حييييييييل تعبت اليوم
أبو ريم: هيه والله صدقتي بس هم شي استانستوا
الكل: هيه اكيد استانسنا
طبعا ريم راحت غرفتها انسدحت على فراشها من التعب وتذكرت سالم فقامت رفعت فونها تتصل عليه
ريم: الووووووووووووووو غناتي
سالم: عيونه
ريم: ها حبيبي وصلتوا البيت
سالم: هيه حبيبتي حمدالله
ريم: يلا عيل شكلك تعبان بخليك تنام
سالم: اوكي حبيبتي بكلمج باجر
ريم: اوكي تصبح على خير
سالم: مو كأنج نسيتي شي
ريم: شو
سالم: معقولة ماتعرفين
ريم وهي تفكر: هيييييييييييييييه احبك
سالم وهو يضحك: أنا اموت فيج حياتي
وبس هذا كان البارت اليوم